Urte osoan egiten da, etenik gabe, aldizka, astean gehienez hiru egunetan, entrenamendu gisa, beti prestakuntza berdinarekin.

Helburu nagusia osasuna da, eta aparteko jarduera gisa arraun-turismo aktiboa egiten da, guk geuk nahiz beste batzuek antolatutako irteeretan, bai inguruan eta baita atzerriko lekuetan ere.

Arraun-turismo aktiboak uraren ikuspuntutik lekuak bisitatzea eta ezagutzea du helburu, lakuetan, ibaietan edo/eta itsasoan, egun batetik zazpira bitarteko irteeretan, egunean 20 km inguruko arraun-saioak eta kultura- zein gastronomia-bisitak batera eginez.